ذمـــــان يافــــن

من شوية كنت بقلب في أغانى عندى ولاقيت نفسي بحن لاغانى زمان اللي هى كان بيغنيها النجوم الكبار دلوقتى في بداية مشوارهم مع الغنا ذى أغنية تستاهل بتاعت حنان وأغنية حلال عليك بتاعت حميد وهشام عباس وبصراحة أتسلطنت قوى ياااااااااااااااااه الفن بتاع ذمان كان بسيط جدآ ومافيهوش تكليف  بس ساب معايا ذكريات جميلة جدآ وبما أنى كائن تمانينى فأنا عاصرت بدايات أغلب النجوم يعنى فؤاد ودعمرو دياب وحميد وهشام عباس وأيهاب توفيق ونجوم كتير طلعو وأختفوا تانى بس لسه بردد أغانيهم وحفظاها عندى عالجهاز زى عايدة الايوبي مين ينساها بالذمة ولا ينسي علي باااااالي بجد صوتها تحفة

المهم لاقيت فايل بتاع مصطفى قمر وأنا بسمع أغانيه القديمة ذى أغنية المس أيديا لاقيتنى بسرح وأنا بفتكر أول مرة سمعت الاغنية دى فيها كنت يومها راجعة من المدرسة كنت فتاانية ثانوى والسواق كان مشغلها في العربية من يومها وأنا بحب أسمع قمر وأفتكرت أغنية الليلة دوب

اللي لما أتصورت كليب قامت الدنيا عليها ومقعدتش وفي الآخر الأغنية أتمنعت من العرض لآنها أغنية أعتبرتها الرقابة غير محترمة وفيها إيحائات واللبس فاضح وطلعولهم بمسة موال لحد مالاغنية اتمنعت وعلي أيه ولا عشان أيه مش عارفة

طيب علي الفن عامة ذمان كان في حاجه أسمها أدب وأحترام للمشاهد يعنى أنا فاكرة لما فيلم يادنيا ياغرامى أتعرض في السينما أول مرة وكانو بيجيبولو أعلان في التلفزيون كنت فاكرة أنهم بيقولو  (  فيلم للبنات فقط  )

وفيلم الراقصة والسياسي لما أتعرضلو الإعلان بتاعه سمعت كلمة  ( فيلم للكبار فقط )

يعنى معناها الفيلم ياجماعة هيبقي فيه بوس وأحضان وحجات عيب الاطفال يشوفوها

آخر مرة سمعت فيها تنويه ذى كده كان في فيلم أسرار البنات وأتقال للكبار فقط

يعنى ده من سنين ليه بقي التنويهات دى مابقيناش نسمعها دلوقتى طيب ليه برضو مش بنسمع أن الرقابة منعت عرض أغنية طيب لو كانت أغنية الليلة دوب أتمنعت وأتقال أنها أغنية مش ولا بد طيب نقول أيه بقي دلوقتى لما نشوف أغنية أطفال ذى بتاعت هيفاء وهبي بتاعت بابا نام والمشهد في الكليب كانت هيفاء وجوزها نايمين وأساسآ لبسها مقطع من كل جنب والأغنية أصلآ مليانه أغرائات يالهوى ده أسم هيفاء وحدو أغؤاء ههههههههههههههههه  ( كلمة أغواء جيت أكتبها أغراء طلعت أغواء والله ماقصدتها بس حتى الكيبورد نفسه يعبر عن مشاعرو )

هل ممكن في الفترة الجاية وعلي غرار مصر جديدة وحياة جديده هل هنقدر نرجع التنويهات دى بتاعت للكبار فقط واحد يقولي اصل أفلام اليومين دول كلها كوميدى يعنى لابوس ولا الكلام ده هنتفق برضو هو فيلم بون سواريه

أساسآ يتشاف لما النهار كلو مغرقيين بيه التلفزيون يعنى الصغير والكبير بيشوفه وهنتفق برضو أن مكى أفلامه كوميدى بس برضو الفيلم مليان كلام أعتبرو عن نفسي كلام لايصلح أن طفل يسمعه ذى خد فطيرك ولا A7A  طب بالذمة ده كلام

اللي معارضنى بقي في ده كله يقول دلوقتى في نوعية فن مندسة أسمها فن الأجساد العارية اللي معندهاش صوت تقلع وترقص وتتشهر واللي عايزة فيلمها ينجح تخفف هدوم وتقلع اللي لابساه والشباب اللي مش لاقي يتجوز ده أهو يتفرج علي فيلم ويعلل أنه تعبااااااااااان مش لاقي أتجوز طب أعمل أيه

طب السؤال بقي هل شركات الانتاج بتستغل الحته دى في الشباب وتعرضلو أفلام ماقلت ملابسه وهزلت رسالته أنا فاكرة ذمان غادة عبد الرازق لما كانت طالعة جديد قريتلها في الجرنان أنها أمتنعت عن تصوير بعض المشاهد في مسلسل ما وقالت عيب بقي الناس مش ناقصة سكس!!

ويلف الذمان ويدور وغادة تتشهر وتلحس كلامها في ثانية وبقت هى نفسها ال.......؟

لا الكلام هيخلص ولا الدنيا هتخلص بس برضو نجلد روحنا أحسن ماحد يجلدنا .