التخطي إلى المحتوى الرئيسي
بحث هذه المدونة الإلكترونية
بياع الحكاوى
يوم الصبح صحيت
مشيت..مشيت.ومشيت
أخر الطريق إلتقيت
شيخ في أيده العصا
يمشي عليها لحد البيت
شايل فأيامه صندوق
مليان بالحكاوى
والشعر والغناوى
بالفرح والبلاوى
مليان هموم وشوية سكيت
قاللي طريقك ياولدى فين
قولت طريقي شارع ورا شارع وراه بيت
قالي طرقك طويل ياولدى
قولت الحياة يابويا أنا كده أكتفيت
قالي تعالي معاى
قولت طريقك صعيب
وانا أنكسرت قبل مالضم فيها خيط
قالي لو تعرف سكتى لفين
كنت تترك الولد والولدان
وتقول معاك انا بقيت
قولت ويش تشتغل أنت يابويا
قالي أنا ياولدى بياع
قولت بياع
قالي ومش أى بياع
أنا اللي أبيعه كلمه
تنفعه بعشرة
واللي أبيعه عشره
تكفيه قد المطرة
واللي فسكتى يكسب
قولت بياع كلاااام
انت فاضي لو أعرف كده ماكنتش جيت
قالي أنا بياع حكاوى
أقعد أحكيلك
ولا أسمعك من قصيده كام بيت
مسك الوتر وقام يدق
الغنيوةتجيب غنيوة
والبيت يشبك فبيت
والحكاوى مش بتخلص
وأخرتها قالي ياولدى
آه لو تعرف الدنيا فيها كام هم
ماكنت جيت وأشتكيت
لحظتها الدمع خانى روحت بكيت
أبكى عالوجع اللي بيا من غدر الناس
ومن خيانة أخويا وأبن جارى
أهلي وعشرتى اللي مافيوم بيها حسيت
قام بياع الحكاوى طبطب عليا
قالي لاتبكى ياولدى
انت اللي خدت الهم منهم وفي قلبك حطيت
عزيت السو وابن الحرام
وقولت أنا بيهم أتشديت
قوى عودك فضلهم
ومتعرفش أن العود فالضل مالوش عازة
لاينفع ضل ولا وتد يتشد عليه بيت
تعليقات
إرسال تعليق
قول رأيك خليك جرئ