عزيزى الرجل ....أنت حنفية؟ مقالي في مجلة البوسطجى

لآ أنكر عليكم أننى أقع علي روحى من كثرة الضحك الذى ينتابنى عندما أشاهد فيلم شنبو في المصيدة وأذكر أفيهات يوسف وهبي الصاروخية وهو يقول لفؤاد المهندس عندما أراد أن يجعله يلقي بنفسه من فوق البرج حتى يتثنى لدرية بنت أخيه أن تكتب تقريرآ وتشتهر من خلاله

يقنع فؤاد المهندس بعبارة أن لو وقعت من فوق البرج مش هيجرالك حاجه ياشنبي أنت موش أنسان أنت ورقة ويردد عليه أنت أيه ياشنبي فيرد شنبو أنا ورقة ههههههههههههههه.

هذا ماتذكرته عند أتصال صديقتى رضوى بي صباحآ وهى تبكى.

أنا .مالك يارضوى

رضوى .أنا تعبت أتخنقت

أنا .من أيه بس وحدى الله

رضوى .أنا تعبت من كل حاجه

ثم بعد تهدئتها بادرتنى بسؤال...هو لو في حد بيحبك وعاوز يتقدملك ايه المطلوب منه.

أجبتها ولا حاجه يجى يتقدم لاهلك مش حكاية يعنى.

رضوى. ولو هو بيحبنى وقالي ماتوافقيش علي حد لآنى أنا هتجوزك وهو في أمكانه يتجوزنى النهارده قبل بكره ده يبقي أسمه أيه.

قلت لها ده يبقي أسمه بيلعب بيكى أنا اللي أعرفه يارضوى أنه لو بيحبنى ييجى يخطبنى مش يوقف حالي.

أقتنعت رضوى بوجهة نظرى.

ثم تطرقت لسؤالها عن الرجل في حياتها.

رضوى هو الرجل بالنسبالك أيه...يعنى من هو أدم بالنسبه ليكى.

قالت لي الراجل بالنسبالي حنفية؟؟!!

يعنى أيه حنفية مش ففهماكى

رضوى .بصي ياستى أذا أتفقنا أن الست في البيت بنت أو زوجه أو أم بتقوم علي خدمة الرجل

والرجل بدوره بيقوم بالعمل للآبقاء علي أساس الحياة الأسريه وتثبيت أركان المنزل الذى يتولي هو أدارتة المالية ومن الجانب الآخر يصبح هو المسيطر علي جميع من في المنزل بأعتباره رأسمال المنزل الذى لاتقوم دعائمه الا بوجود معيل لسكانه.

أذن الست عايزة من الراجل أيه.

أجبتها بتختلف يارضوى.

رضوى .لاياحبيبتى مش بتختلف أنا هقولك.

في ظل مجتمعنا الذى يعطى الأهمية والأولوية للرجل فالست محتاجه سند تظهر بيه أمام المجتمع صح.

أنا .صح.

وفي ظل أن الأغلبية من الرجال تعترض علي عمل المرأة خارج المنزل فالست محتاجه كيان رأسمالي تستخدمه لآقتضاء مايلزمها من مأكل ومشرب وملبس ...ألأخ. صح.

أنا صح.

وفي ظل أن الزوجه لايمكنها الزواج [انثي من نوعها فالمرأة تحتاج ألي كيان ذكورى لتتواصل بهم الحياة صح.

أنا.صح الصح.

وفي ظل أن المرأة مكسورة الجناح ومالهاش ضهر ورفقآ بالقوارير فالست محتاجه كلمه حنينة صح.

أنا صح.

رضوى أذن فالرجل بالنسبالي حنفيه تقدر الست تفتحها وتقفلها.

أنا.أزاى يعنى.

يعنى الراجل ييجى البيت يلاقي أبتسامه حلوة أكله حلوة دلع من الست هانم عقل ورزانه وده مش بيلاقيه الا لما تكون عاوزة حاجه بس لو لقي كل ده هيحصل أيه.

أنا. هتاخد منه كلمه حلوة معاملة كويسه وبكده الحنفيه شغاله صح.

أنا صح ياستى صح.

ولو لقي من الست نكد ودوشة ومشاكل ومصاريف ودوخة وربكة هتاخد منه عصبيه وزعيق وضرب وكده حنفيه الحنان والتواصل العاطفى أتقفلت صح.

أنا أيوة صح.

يبقي الراجل دلوقتى فعصبيته أو حنيته لما بيفتح قلبه أو يقفله بيبقي عامل زى أييييييييييييه؟؟؟

أنا زى الحنفيه.

رضوى شفتى بقي .

وضحكنا بسبب هذه المقولة والفلسفة النسوانية التى برعت فيها رضوى