دراكولا 3000
بعد مالفيلم خلص لاقيت الباب بيخبط
روحت قولت مين عالباب
قاللي أنا الفرخة الشركسية
قولتله ياكداب الفرخة مش بتتكلم
روحت فتحتلوووووووووو
يامامى أنت مييييييين
قاللي أنا مصاص دمااااااااء
بالزبط شبه اللي شفتهم في الفيلم
ادور أدور أدور.....وماذال البحث جاريآ
فالأخر لاقيت قلم رصاص بس للاسف أنا ماقولتلكمش أن فيا عادة زفت
أنا بأكل الخشب بتاع أقلام الرصاص
وأنا أدور وهو يخبط عالباب
ويقولي أفتحيلي هنلعب سوا
وأنا ابدآ مش هفتحلو
طيب أعمل أيه أعمل أيه
قولت لازم أستعين بصديق
روحت بسرعة أتصلت علي موءة قولتلها إلحقينى ياموءة
في مصاص دماء دخل البيت وأنا مش عارفة أعمل أيه
ولآن موءة خبيرة في مصاصين الدماء والاشباح
قالتلي لازم تقتليه أحسن يأذيكى
قولتلها مش لاقية حاجه اضربه بيها
قالتلي اضربيه بحاجه خشب
قولتلها مش لاقية ينفع أرشه بيرسول
لاطبعآ لازم حاجه خشب
طيب ياموءة مافيش أعمل أيه
طيب بصي حاولي تخلية يتعرض للشمس الشمس هتحوله رماد
يادى الحوسة أحنا بالليل ياموءة ومافيش شمس
ينفع أشغله أغنية نور الشمس بتاعة باسكال
أغنية أيه أنتى عبيطة
أومال أعمل أيه ياموءة
قالتلي طيب شوفي أى رمز دينى هو بيكره الحجات دى
زى أيه ياموءة
قالتلي عندك صليب
الله أنا مسلمة ياموءة أنتى هتهرجى لا ياعم أنتى عبيطة وأنا مش هكلمك تانى
وروحت قفلت فوشها
آه ماحنا مش هنهرج بقي
لاقيت مصاص الدماء قالي اخلصي بقي يالولو أنا تعبت من كتر التخبيط
عايز أيه يامصاص الدماء
قاللي أنا عايز أدخل عشان أعضك يالولو يلا
قولت مابدهاش بقي لازم أواجهه
روحت فتحت وضربته بالقلم
وسبته وروحت أعمل سندوتش لآنى بصراحة جوعت
لاقيته بيقولي أنتى بتعملي أيه يالولو
قولتله باكل انا جعانة
قالي بتاكلي أييييييييه
روحت قولت ده واحد طول عمرو عايش علي الدم لازم أدوقو الاكل
لازم أنشر ثقافة الفول بالزيت
روحت عملتلو سندوتش وقولتله
أحلي تعميرة ياريس سالخيييييييييييييييييير
أول قطمة لاقيته أبتسم
تانى قطمة لاقيته دمع
وبعد شوية لاقيته بيعيط
مالك يامصموص
وكملنا عشا فول سوا
ومن يومها بقينا أحنا الاتنين بناكل سوا
وبقينا صحاب
ولا صليب ولا خشب ولا غيرو
ومشربتيهوش عرقسوس ليه بالمرة ولا خدتيه و روحتو لابو طارق
ردحذفبلاخيبة مصاصين اخر زمن
ههههههههههه جامده بجد انا هنقلها المنتدى يخرب عقلك:D
ردحذفالخيال واسع و مصر ولاده طبعا بس كان مفروض يسمع كلام غسان مطر " اعمل الصح "
ردحذف