المخرج ياسر سامى وزير للتكنولوجيا والمطرب سامو زين وزيرآ للتخطيط
عزيزى القارئ ده مجرد فكرة خطرت في بالي ولا أقصد منها اى أستهزاء بنظام حكوماتنا الموقرة أسمحلي بقي ندخل في الجد وبما أننا في عصر السرعة فهسيبك دقايق مع فيديو كليب تشوفه وتيجى تشوف هقولك أيه
شوفت الفيديو ياعم
أشطة
هيصنا بقي ورقصنا
ومالو....أنا عندى هنا حرية مطلقة للتعبير عن رغبات وسط سيادتك اللي سعات بيتغير الوضع بتاعه للفيبريشن
أتمنى بقي تكون دققت في الفيديو بغض النظر عن سعادة وسط حضرتك اللي أكيد تحول بقدرة رب العالمين لتعبان أو حنش والله ده بقي يتوقف علي ليونة عضلات حضرتك
لو ركزت في الاغنية وتصويرها اللي بلغت بيك أنك تخيلت للحظات نفسك طاير مطرح العسول سامو زين وبغض النظر عن الكام مزة اللي يتاكلو من غير عيش مدعوم ولا حتى عيش كيزر
هتلاقي أن سامو زين أتبهدل علي أيد المخرج ياسر سامى
ليه بقي
أقولك
سامو زين المفروض أنه مع صحابه وصحباته بالتغاضي عن المزة اللي أيديها سابت عن السندوتش
هنلاقي سامو زين أول ماحد يبدأ يشغل اغنيته بتاعت أنت عايز منى أيه نلاقيه قوى بتشدو تودية للشخص اللي بيسمع الأغنية واللي سبحان الله كل اللي بيسمعوه بنات وعلي فكرة ماتفكروش أن العربية اللي وقع قدامها دى ليها علاقة لآن الشباب دول برضو أكيد كانو سايقين رايحين يقابلو مزز
ماعلينا معلهش صدعتكو
المهم الفكرة في الكليب ان سامو زين وقع قدام عربية ولولا ستر ربنا كان زمانك بتقول والله كان طيب وكفائة
ووقع جوه أوضة بعد ماكسر القزازو بتاع الشباك ودخل
وشوف حكمة ربنا يامؤمن يدخل في لوح قزاز وميجرلوش حاجه وهذا يثبت بره باهله وباهل أهله
ماعلينا ياخوانا
اللي عايزة اقوله أن أكتر ناس فيكم تخيلت نفسها مكان سامو زين ........ صح
أمنتكم صح ولا مش صح
ماشي مين العقل اللي فكر في الكليب ده بقي
المخرج ياسر سامى
ماشي
المخرج ياسر سامى وبما أنه شاطر كده وعرف يجيبلنا فكرة كليب تجنن يبقي لازم بقي نمسكه وزارة في الحكومة المصرية الجديدة
وأعتقد أن الدماغ ده نسلمو وزارة الأتصالات وتكنولوجيا المعلومات
والشعب يخرج في الشارع يطالب بتسليمه هذه الوزارو ويؤيده كوزير وأعتقد لازم نعملو جمعة عشان كده ونخرج يوم الجمعة واللي هنسميها جمعة كليب نخرج ماسكين يافطات نكتب عليها أنت عايز منى أيه ونخلي شعارها السندوتش اللي وقع من أيد المضروبة اللي كانت في الكليب وده من ناحية أخرى دعمآ لرغيف العيش
وبعد ما أنتخبناه بقي هنخلي شغلته أيه بقي
مش أحنا اللي أنتخبناه
يبقى لازم ينفذ اللي يمليه عليه ضميره وبما ان الشعب هو ضمير الامة يبقي لازم يسمع كلام الشعب
ده بقي نخليه قاعد وماسك العدة بتاعته اللي أستخدمها في الكليب
ويقعد للحكومة بالمرصاد
وأى وزير يقل باصله معانا
ولا أى حد يقول بم للشعب
نديلو اشارة بس
وهو يدوس علي زرايرو ويشغل عدته ويمطوح الوزير ده ويعمل فيه بالزبط زى ماعمل في سامو زين في الكليب لحد مايخليه يقول حقي برقبتى وتوبت وأنبت :)
طيب واحد من المعارضة بقي واليساريين يدخل يقولي أنتى ماجبتيش سيرة سامو زين
أرد عليه وأقوله
أترزع وأستنانى أخلص ومحدش يقاطعنى وإلا وربي منا مكمله
مبحبش الدوشة أنا
أرد بقي وأقوله بما أن ياسر هيمطوح الوزراء
يبقي سامو يمسك وزارة التخطيط
ليه بقي؟
عشان يقولنا اكتر مكان اترزع فيه ووجعه وهو بيتمطوح في الجو والارض نياهاهاهاهاهاهاهاهاهاهاهاها
هههههههههه جامد التوبيك دا
ردحذف