وحيد فريد

أول ضحية من ضحايانا النهاردة واللى لسة ضيفاه عالفيسبوك من شوية

هو الأستاذ وحيد فريد....أسمو كده

معرفتش ألاقي أى معلومات عنه علي صفحته 

بس بصراحة أول حد يخلينى أضحك من قلبي لدرجة فكرت أنى قلبي هيوقف

المهم مش هطول عليكم

نشوف بعض تعليقاته واللي تتسم بالسياسة الساخرة

عاجل : بالنسبة للى بيسألوا عن مصير الصحفى رضا هلال المختفى منذ سنوات ,تسريبات قالت أن علاء مبارك فرم هلال , ولفه على وراك العذارى.

أقول لتل ابيب : أظن بعد ما شفتوا جحافل المصريين فى التحرير ,, لازم تصدقوا إن نكسة 67 لن تتكرع مرة ثانية, يا بجم يا ولاد البجم

عاجل : تسريبات تقول أن شوزان مبارك هى التى قتلت الفنانة الراحلة أسمهان عام 1944 ,حيث وضعت لها السم , فى العسل

عاجل : حسنى مبارك كان يلعب الأسكواش للتمويه, وخسر معظم ثروته فى مراهنات مع أحمد براده,فقتلوا براده , و الموجود دلوقتى ده مش براده

عاجل : عبلة كامل : علاء مبارك طلب قتلى , وحاولت أسرته الزواج منى

رأيى ببساطة ,عصام شرف يآخد له كرسى , وشمسية , و بجقة أكل , ويروح يقعد فى التحرير , يدير الوزارة من هناك ,

المنصب الوحيد الذى أرى فيه عمرو موسى رئيس ,هو منصب رئيس مجلس آباء فى مدرسة ثانوى

أخطط لسرقة ونهب كارفور , و بيع البضائع , و تأسيس جريدة حرة تدعو إلى مبادىء الثورة

أطالب بشنق أسامة غريب عشان قبل الثورة قال مصر مش أمى , ولا تأخذكم فيه شفقة

الذكاء حلو برضك ,فى ذات نفس الوقت اللى دخلك من الدولار عبر السياحة راح , بيطالبوا دخل القنال يبقى بالجنيه , يا حلو أنت يا حلو

أطالب بمشروع ضخم لبناء عشر تلاف مرحاض عمومى آدمى فى ربوع مصر , فى إطار خطة خمسية, للقضاء على الفاقد فى البول

 

قال سكينة فؤاد قال , هى يا جدعان تقدر تطلع سلم لوحدها ؟ أنتم عالم هبلة ولا إيه

بصراحة شديدة العبد لله فقط هو اللى يصلح وزير ثقافة مصر , واللى مش عاجبه يشرب من البحر

 

عشان تعرف بس موضوع صوت الشعب و إرادة الشعب , أتحداك لو عشرين ألف مصرى يعرفوا من هو عماد أبو غازى , بلا بتاع بقى بلا بتاع

نحن نطالب عصام شرف بعلبة سجائر مصرية آدمية , و بسعر جنيهان للعلبة , ومعاها مشط كبريت , و إلا هننزل التحرير

ميرسي علي تعليقات أستاذ وحيد اللي بجد ضحكتنى وخلتنى سعيدة وأتمنى يسامحنا عللي ا اخدناه من الوول بتاعه بس ده من منطلق تقديري ليه

ده بقي حساب الأستاذ وحيد

وحيد فريد